NANINIBAGO man sa ikinikilos ni KG ay hindi agad nagawang magpadala roon ni Tami. Paano kung matapos niyang pakiligin uli ay dobleng sakit ang kapalit niyon? Nagkakaroon na siya ng trust issue kay KG.
“KG,” hindi na niya napigilan pang sabihin nang sa kama niya ito mahiga imbes na doon ito sa ginagamit nitong silid. Katatapos lang niyang mag-night bath sa banyo. At ang nalabasan nga niyang eksena sa master bedroom ay prenteng nakahiga si KG sa kamang ginagamit niya.
“What?” kunway tanong pa nito sa kaniya.
Hindi katulad noong nakaraan, na hantad na hantad ang balat niya, ngayon naman ay halos balut na balut siya ng kaniyang suot na pajama top at pajama bottom na yari sa silk.
“Pumunta ka na sa silid mo at doon na matulog,” pagtataboy na niya rito. Naupo si Tami sa gilid ng kama at itin
