“DAMN,” nauubusan ng pasensiya na bulalas ni KG. Tatlong araw na ang matuling lumipas ngunit negative pa rin ang palaging update sa kaniya nang mga taong inutusan niya na maghanap sa kaniyang asawa.
Ayaw naman niyang magtanong sa mga magulang ni Tami dahil ayaw niyang makarating mismo sa mga ito na nawawala ang asawa niya.
Ano na lamang ang sasabihin ng mga ito sa kaniya? Na sobra siyang pabaya at walang kuwentang asawa sa anak ng mga ito.
Nasapo niya ang noo nang maisip na baka pumabor pa ang mga ito na iwan siya ng anak ng mga ito dahil sa pagiging walang kuwenta niyang asawa. Hindi pa man nangyayari ngunit parang dinudukot na ang kaniyang puso.
“Sir, may phone call po kayo,” anang kawaksi habang hawak sa kamay ang telepono.
Magsasalita pa sana ang kawaksi nang agad niyang kunin dit
