MATAPOS manggaling ni Tami sa Harvard University, para sa mga documents pa na kukunin niya roon nang araw na iyon, sa halip na umuwi na sa kaniyang apartment ay mas pinili niya munang pumunta sa isang parke para magmuni-muni.
Hindi biro ang binubuo niyang desisyon ngayon. She was torn. Very torn.
Bumuntong-hininga na naman siya. It was KG’s fault. Dahil sa pagsulpot nito, lalong nagulo ang mga desisyon niya sa buhay. Sa loob lamang iyon ng napakaikling panahon.
Alam naman nito na hahapunin na siya masyado sa kaniyang pag-uwi dahil nagpaalam siya rito kanina. Kahapon, nang umalis din si KG para sa nilakad nito na hindi naman sinabi sa kaniya kung ano, gabi na ito halos nakauwi. Nakatulugan na nga niya ang paghihintay rito. Nang magising siya nang madaling araw ay tulog na tulog na ito sa
