HALOS pagsawain ni Tami ang tingin sa guwapong mukha ng kaniyang asawa. Siguro, kahit lumipas pa ang maraming taon at mangulubot ang makinis nitong balat, hinding-hindi niya ito pagsasawaang pagmasdan.
“Ano’ng klaseng challenge naman ‘yan?”
“Madali lang,” agad niyang sagot na hindi na inintindi ang pinapanood na Telenobela sa TV. Pumihit siya ng kaniyang pagkakaupo paharap dito at itinutok na lang ang atensiyon kay KG.
“Okay. Ipaliwanag mo muna kung ano’ng klaseng challenge ‘yan.”
“Pero bawal kang humindi sa challenge na ‘to. Because,” aniya na nginitian pa ito nang matamis. “I won’t take no for an answer.”
“Okay. Okay. As you wish. So what is it?”
Challenge na bawal itong tumanggi. Hayon at approve pa rito.
“A six days challenge.” Kumunot ang noo ni KG kaya nagpatuloy si Tami sa pa
