XLIX.
TATLONG ARAW NA ang lumipas at papauwi na si Kirsten mula sa hospital. Matagal siyang pinalabas ng doctor dahil sa lagnat niya. Sa totoo lang, labis siyang nasaktan dahil hindi man lang siya nagawang dalawin ng asawa. Mabuti na lang ay hindi siya iniwan ng dalawang rosas sa buhay niya—sina Rose Mario at Rose Leo. Salitan lang ang dalawa sa pagbabantay sa kaniya. Si Lorraine naman ay panay video call lang sa kaniya. Gusto man nitong pumunta para dalawin siya pero pinagbawalan ito ng ama ni Vico—ang doctor na nag-alaga sa kaniya. Sensitibo ang pagbubuntis nito kaya naiintindihan niya iyon. Kahit si Snow na may tatlong anak ay naiintindihan niyang isang beses lang nakadalaw. Kung tutuusin, mas natuwa siya sa pinakitang malasakit nito sa kaniya.
Nasa loob ng sasakyan ni Sid si Kirsten
