XVI.
“Tin, si Vico. . .” Nilingon ni Lorraine ang manliligaw. “Vic, si Kirsten. Ang best friend ko.”
Hindi makapagsalita si Kirsten. Sa daming pwedeng lalaki ang manligaw sa kaibigan ay ang unang lalaki pang minahal niya. Bilang wala pang karanasan sa pakikipagrelasyon, matagal niya itong sinagot. Hanggang sa isang araw, sumuko na lang ito bigla. Napagod itong maghintay sa kaniya. Aaminin niyang iniyakan niya ito pero wala na siyang magagawa. Kasalan din naman niya ang lahat.
“H-Hi,” nahihiyang bati ni Kirsten kay Vico.
Tumango lang si Vico at hindi man lang sumagot. Pumasok na rin ito sa loob ng sasakyan. Hinawakan ni Lorraine ang kamay ni Kirsten at sabay na silang pumasok sa loob. Sa likuran umupo si Kirsten. Hndi naman niya mapigilan na mapatitig kay Vico. Matagal-tagal na rin ang
