XXVI.
NAPATAKBO SI ICE nang makitang naglupasay sa sahig si Kirsten. Nasa loob lang siya ng restaurant at nag-iba ng anyo. Nagsuot siya ng wig na kulot at oversized shirt. Sa pang-ibaba niya ay maikling jogger shorts at lifestyle shoes na kulay puti. Nagsuot din siya ng shades sa mata para hindi talaga siya makilala. Kahit alam niyang walang gagawing masama si Lorraine sa asawa niya, hindi niya pa rin maiwasan na kabahan sa posibleng mangyari. Para sa kaniya, tanging Diyos lang ang may alam ng lahat kaya bawal talaga maging kampante sa mga bagay-bagay. Bilang asawa, responsibilidad niya si Kirsten kaya handa siyang gawin ang lahat para rito.
Pagdating ni Ice sa tapat ng asawa, niyakap niya ito nang mahigpit. Tiningnan niya rin si Lorraine at katulad ng asawa niya ay humagulgol din ito. W
