XXVIII.
“ANO BA ANG nagawa ko sa iyo, Tito!? Bakit ang init ng ulo mo sa ak—”
Hindi natapos ni Kirsten ang sasabihin nang sinampal siya ni Zeddrick. Napayuko na lang siya at napahawak sa pisngi kung saan tumama ang kamay nito.
“Wala kang karapatan para sagutin mo ako nang ganyan. Umayos ka!” sigaw ni Zeddrick.
Humagulgol si Kirsten. Hindi na niya alam kung saan siya lulugar. Wala naman sana siyang ginawang masama rito. Gusto lang niyang magtanong para maging maliwanag sa kaniya ang lahat. Hindi iyong buong buhay niya pag-iisipan kung ano ang nagawa niyang kasalanan dito.
Nang papabukas na sana ang elevator, muling pinigilan iyon ni Zeddrick at pinindot pabalik. Nang ginawa nito iyon, napatingin si Kirsten dito habang hindi maitago sa mukha ang labis na kaba.
“Tito, ano ba? Bakit ka
