NAGISING ako nang maaga, naunahan ko pa nga ang aking alarm. Kung kagabi ay pagkahiga ko after kong maghilamos ay nakatulog agad ako, ngayong umaga naman ay naaalala ko ang ginawa ni Sir Leif kahapon. Ang pagyakap niya nang mahigpit sa akin at pagsabi ng katagang 'ayoko kitang mapagod, Kath.' Gumulo ang buong system ko hanggang makauwi ako, halos hindi ko nga magawa nang maayos ang trabaho ko sa Karinderya ni Aling Florida. Mabuti na lamang ay inintidi ako ng mga kasama ko kahapon.
Bumangon na ako sa kama at hindi na muna ginising si Katrina, maaga pa naman para gisingin siya. Lumabas ako ng k'warto at nagpakulo agad nang mainit na tubig. Inaantok pa ang kaluluwa ko pero ang buong pagkatao ko ay gising na gising na.
Nakapalumbaba lamang ako rito habang hinihintay na kumulo ang tubig sa
