NANDITO kami ngayon sa canteen, kasama ko sina ate Leslie and ate Lovely. May baon ako ngayong araw kaya hindi ako pumila rito sa bilihan ng pagkain, binigyan din ako nila ate ng kanilang baong ulam, nag-share kami ng mga ulam naming baon.
“Ayos ka lang ba, Kath? Iniisip mo pa rin ba ang naging desisyon sa assignment ng floor?”
Napatingin ako kay ate Lovely at umiling sa kanya. “Wala na rin naman po ako magagawa kung iisipin ko pa rin po iyon. Ang pinagtataka ko po ay bakit isang floor lang po ang binigay sa akin. Baka po kasi may mainggit na kapwa po natin.” Iyon naman kasi talaga ang inaalala ko.
“Naku, Kathleen, huwag mong intindihin ang mga mapang-matang tao... Wala naman silang magagawa at utos niyon si Sir Carl, na ginawa lang ni Sir Leo. Kung may reklamo sila about sayo na isa l
