LAHAT ng higaan nila ay tinitingnan rin ngunit malinis naman. Hanggang sa pinapabalik na ang kanilang mga gamit sa loob. At sunod nilang pinuntahan ay ang room thirty five. Maraming kinabahan doon na mga estudyante at hindi nila alam kung bakit pinalabas ang mga gamit nila.
"Ka-Josette, ano ang gagawin nila sa ating mga gamit?"
"Hindi ko alam!" kinabahan na tugon niya kay Hadi.
"Pero malakas ang hinala ko na baka ang mga patalim ang hinahanap nila."
"Ano?! Paano iyan? Nasa bag ko ang aking patalim."
"Hindi mo ba tinago?" tanong ni Josette.
"Saan ko naman ita—" hindi natuloy ang sasabihin ni Hadi, dahil dumating na si Kumander Allhe kasama ang mga pardus force.
"Attention!" Tuwid agad ang kanilang pagtayo at ang mga kamay ay nasa likuran nila.
Simulan nila sa bag ni Edzen, sub
