Naubos ko ang lahat ng pagkain na nasa tray na nakalapag sa harapan ko. Hindi na ako nahiya dahil gutom na gutom na talaga ako.
Si Kor ay nakatingin lang sa akin buong oras na kumakain ako ngunit binalewala ko ang presensiya niya dahil mas iniisip ko na malamnan ang aking sikmura kaysa sa hiya na aking nadarama.
Umiinom na ako ng orange juice nang magsalita siya. Akala ko mananahimik na lang siya buong oras na nakatitig siya sa akin. Mukhang hindi rin siya nakatiis na kausapin ako. Hinayaan lang siguro niya akong matapos bago niya ako kinausap.
"Gutom ka pa ba? Magpapadala pa ako ng pagkain dito," wika niya na may halong panunudyo sa kanyang boses.
Umiling naman ako at hindi pinansin ang tono niya, sabay lapag ng baso ng juice sa ibabaw ng tray. "H-huwag na, busog na ako," ani ko na na
