THE DESTINED WIFE
KABANATA 19
CLARKE’S POINT OF VIEW.
Masaya akong nagbago na ang desisyon ni Mama at naging maayos na kaming dalawa. Sinasamahan ko siya sa hospital kapag magpapagamot siya pero minsan ay hindi na niya ako pinapasama kasi makakasama raw ito sa amin ng anak ko.
Palagi rin dumadalaw sa bahay si Mama at nagdadala ng maraming preskong prutas at gulay para sa akin.
Napaka responsable rin na asawa ni Finn sa akin. Kailangan niya paring pumunta sa opisina pero nagagawa niya paring tumawag sa akin lagi. May kasambahay na rin kami sa bahay para hindi ako mahirapan at may tutulong sa akin kung may problema man.
Masaya rin ang mga kaibigan ko sa kalagayan ko ngayon. Hindi na sila galit kay Finn kasi nakikita nila sa asawa kong seryoso ito sa akin at mahal na mahal talaga ako.
