Jarrah's Pov:
Kaaalis pa lang ni Theo ay tumayo na ako. Nilapitan ko ang tuwalya at bag ng lalaki. Naiinitan na iyon kaya inilagay ko sa tabi ng gamit ko ang kanyang bag habang ang tuwalya naman ay isinampay ko sa sanga ng bayabas.
Tinakipan ko ang mga pagkain at kinuha ang camera. Isinabit ko iyon sa leeg bago nagtanggal ng suot sa paa.
Tinungo ko ang hagdanang bato at bumaba roon. Kumuha ako ng mga larawan ng mga bato, ng buhangin at ng ilang mga ligaw na halaman na nagpipilit mabuhay sa maliliit na espasyong nasa pagitan ng mga bato.
May ilang mga bato ring nababalot ng mga lumot ngunit iilan lang ang mga iyon at maninipis lang ang mga lumot na naroon. Hindi nga lang din ligtas sa oras na tapakan dahil malaki pa rin ang posibilidad na makakadulas ang mga iyon.
Ilang minuto pa lang
