Kanina pa ang sermon ni Val sa akin habang nasa sasakyan kami pabalik ng bahay. Ngayon lang din niya nalaman yung tungkol sa nangyari sa kapatid ko.
Ayoko rin naman talagang ipaalam kasi.
Kung hindi lang madaldal si Chester ay hindi niya masasabi kay Val yung nangyari kay Chio. Nagulat pa nga ako dahil biglang sumulpot ang kaibigan ko sa ospital.
"Bakit nagsisikreto ka sa aking babae ka? Tsaka saan mo nakuha yung pambayad sa ospital ah?" Sunod-sunod na tanong niya.
Paulit-ulit na lang yung tanong niya sa akin tungkol sa kung saan galing yung pera ko at kung paano ako nakakuha ng ganun kalaking halaga.
Ang bill kasi ni Chio sa ospital ay umabot ng one hundred sixty-eight thousand. Mabuti naman at may hawak pa kaming pera nina Chester kaya hindi na naging mahirap ang pagbayad sa ospital
