The next day ay nagpaalam ako kay Val na hindi muna papasok. Hindi na lang ako nagsabi ng dahilan para hindi na rin sila mag-alala. Si Lonzo ay hindi ko rin papapasukin sa eskwelahan para makapagpahinga.
"Sayang po yung araw, mama." Sabi niya sa akin ng sinabi ko na hindi muna siya papasok.
Nilapag ko sa harapan niya yung hotdog na pinaluto niya bago tinignan si Chio at Chia na nasa tabi nito. Sinabi ko rin naman sa mga kapatid ko ang tungkol sa nangyari kahapon. Pagdating kasi namin sa bahay ay nakauwi na lahat yung apat.
"Gusto mo ate, ako na lang yung pupunta sa school tapos kakausapin ko yung mga magulang ng mga batang iyon," Gigil na alok ni Chia sa akin.
Asar na asar sila kasi hindi naman iyakin si Lonzo at napakabait nung bata para asarin ng ganun-ganun lang. Umiling ako sa kany
