Flashback~
"Sarah, may laban ng basketball yung Danger Zone maya maya. Makakalaban nila yung sa kabilang school. Manood tayo, wala namang klase eh." kinikilig na sabi ni Rayah.
Hindi ko siya pinansin. Nanatili akong tutok sa libro ko. Sunod sunod ang exam namin, kailangan kong mag-aral ng mabuti.
"May exam, bakit mas pinipili mong manood ng walang kwentang laro ng mayayabang na 'yon kaysa mag-aral?" masungit na tanong ko sa kanya.
Napatingin sakin ang mga kaklase namin at tiningnan ako ng masama. Inirapan ko lang sila, pakialam ko ba sa kanila.
"Grabe ka, ang hard mo talaga sa Danger Zone. Ikaw lang yata ang nag-iisang hater nila." sabi ni Rayah at inirapan ako.
"Hindi ako hater, wala lang talaga akong pakialam sa kanila." sabi ko na lang at muling binaling ang tingin ko sa libro ko
