Capitulo Trece
Para pa rin akong lumulutang sa alapaap dahil sa ginawa ni Primo kanina. Halatang alalang-alala siya sa akin at nagawa pang yayain ako kumain kasama siya. Hindi ko na nagawang tumanggi pa lalo na nang sabihin niya sa akin na wala naman masama kung sumabay ako kumain dahil hindi naman siya tumitingin sa labas na kaanyuan kundi sa kalooban ng tao.
“Kaonti lang ang mabuti ang puso, Adi. Kaya mas gugusstuhin ko nang makasama ka kesa sa mga pekeng tao na nakapaligid ngayon sa atin,” nakangiting sabi niya.
Sa isang barbecue restaurant kami kumain dalawa. Wala kaming kasama na iba kundi kaming dalawa lang. Nababaliw na siguro ako para isipin na isa ngang date ito pero para sa akin ay ganoon. Hindi nga lang siya date for couples kundi date for a fan and her idol. Iyon nga lang
