Capitulo Diecinueve
“Inalok ng Metro West Drama ng romantic-drama si Helios?” malakas na tanong ni Kane dito sa loob ng meeting room. Lahat kami ay nakaupo at nakatingin sa sinasabi ni Ms. Reina dahil nagkaroon ng biglang pagbabago sa schedule. Bawat isa sa kanila ay magpo-focus muna kung saan sila magaling habang hinahanda ang comeback schedule nila.
“Yup. Adi will assist him on meeting the director and the writer this afternoon,” paliwanag ni Ms. Reina. “Pumayag na si Helios na sumali sa casting ng drama kaya wala ng atrasan ‘to. Binasa na rin niya ang script at ang summary ng plot kaya wala ng problema.”
Kumuha ako ng papel sa aking bag at isa-isang isinulat ang sinabi ni Ms. Reina sa notebook para hindi makalimutan.
“Si Sage at Lorcan ay may shoot sa ibang bansa para sa isang in
