Sinundan ko pa nang tingin si Red nang tumalikod na siya para bumalik sa kotse niya. Nang makita ko na nakapasok na siya ng sasakyan ay doon naman ako nagsimulang maglakad papunta sa may shot gun seat kung nasaan ang mga gamit ko. Nadaanan ko pa si Arrow at alam kong nakatingin siya sa akin pero hindi ko na lang siya pinansin at nagpatuloy na. Kinuha ko na yung bag ko na nakapatong sa may upuan at muling isinara yung pinto. Maglalakad na sana ako para puntahan ang kotse ni Red pero awtomatikong napatigil ako nang bigla na lang sumulpot si Arrow sa may harapan ko, nakaharang siya sa dadaan ko kaya naman wala akong magawa kundi ang huminto. Nandito kami ngayon sa may gilid ng sasakyan kaya sigurado ako na hindi kami nakikita ngayon ni Red. Agad kong inangat sa kaniya ang paningin ko at nakat
