STALKER WIFE

CHAPTER 21

“Excuse me! Miss may tumawag sa akin. Anong nangyari kay Bianca?" Tanong ko agad ng nagmamadali akong kumaripas at hindi naiwasan na mag-alala.

Napalingon yung dalawang babae na siyang nag-uusap usap tungkol sa babaeng dinala raw at halos mamamatay sa pambubugbog ng asawa.

“Hello Miss! Pasensya na itatanong ko sana kung saan kwarto ni Bianca at kung sino tumawag sa akin at kung anong nangyari ba sa kanya?" Anito ko ulit sa kanila saka lang sila naistorbo sa pag-uusap.

“Sorry po!" Sabi ng isa ng maistorbo ang pakikipagchismisan.

“Ako po yung tumawag sa inyo."

Isang babae ang siyang lumapit sa akin at nagsabi na siyang tumawag sa akin para puntahan si Bianca.

“Anong nangyari kay Bianca?" tanong ko.

“Dinala po siya rito na halos wala ng buhay. May nakakita na binugbog siya ng isang lalake at ang sabi ng ilang nakasaksi ay asawa niya."

“Nasaan siya?" Tanong ko ulit.

“Kamusta siya?" ako ulit nagtanong.

“Sa ngayon po nasa operating room po siya ng dahil sa may nabaling buto sa kanya na kinakailangan na maoperahan. Pero huwag na po kayo mag-alala dahil magiging okay rin po siya. Sa ngayon po magdasal lang po muna para makayanan niya ang operation.

Kayo po kasi ang nakita namin sa call register na katatapos lang niya makausap bago mangyari ang insidente. Kaya't sinubukan namin na tawagan kayo. Pasensya na po sa abala dahil maliban sa inyo nalaman namin na wala siyang kahit isang kamag-anak na maaari siyang puntahan." Mahaba pang sinabi ng babae.

“Salamat" Sabi ko sa babae na siyang kinakausap ako.

Nang dahil lang rito sa nangyari kay Bianca naiwan ko ang asawa ko na pinangakuan kong ipapasyal ko sana ngayon para makabawi ako sa pang-iiwan ko sa mga nagdaang araw ng dahil rin kay Bianca.

Inaantok na rin ako at halos wala pa rin akong naitulog sa mga nagdadaang araw na madalas rin na maaga ako naalis para daanan si Bianca sa bahay.

Hindi ko rin mahindian si Bianca at awa ang nararamdaman ko sa kanya pero alam kong mali at asawa ko naman ang tiyak na naaapektuhan sa madalas na pag-iwas at pagsisinungaling ko sa kanya.

Dumaan pa ang mga oras at nailabas na rin si Bianca sa OR habang dinala na rin siya sa kwarto nito. Maraming sugat at pasa ang kanyang nakuha mula sa mga pambubugbog sa kanya ng walang awa niyang asawa.

Habang tinitingnan ko si Bianca bumabalong ang awa na nararamdaman ko para sa kanya. “Nurse pwede bang pakibantayan niyo muna siya at uuwi muna ako sa bahay. Naiwan ko kasi ang asawa ko at baka nag-aalala na rin yon sa biglaang pag-alis ko kangina. Pagbalik ko dadalan ko nalang si Bianca ng ilang mga gamit na kailangan niya rito. Kayo muna sana ang bahala." Bilin na sinabi ko sa nurse.

Subalit sa paglabas ko dalawang pulis ang siyang dumating at naharang ang pag-alis ko.

“Good morning!" Bati ng isa.

“Mr. Anthony Cabreras right?" Ang sabi naman ng isa pang kasama.

“Yes!"

“Maaari ka ba namin matanong ng ilang impormasyon about sa biktima?" Tanong ng diretso nung isa na unang nagsalita.

“Sige! Pero baka pwede pakibilisan. Nag-aantay na rin kasi ang asawa ko sa akin sa bahay." sinabi ko rin ng diretso sa mga ito.

“Sandali lang din naman po ito nais lang namin na makakuha ng konting impormasyon na baka sakali makatulong sa imbestigasyon para sa biktima na si Bianca." Anito na sinabi at inaya nila ako maupo sa isang silya malapit lang sa kwarto ni Bianca.

“Mr. Cabreras kaano ano mo ba ang biktima na si Bianca? Ayon sa nakita sa cellphone niya ikaw ang huling tinawagan nito bago mangyari ang pambubugbog sa kanya ng sinasabi ng mga saksi na asawa raw nito."

Napasinghap muna ako habang kagat ang labi nag-iisip ako. “Dati kong secretary si Bianca nuon may ilang taon na ang nakakalipas. Naging kasintahan ko rin siya nuon bago pa sila naikasal ng asawa niya. Pero nito lang nagkita kami ni Bianca mag-iisang taon na ata ng makita ko siya sa isang bar na kanyang pinagtatrabahuhan. After nun di naman na kami nagkita. Subalit bigla siyang tumawag sa akin nitong nakaraan." Anito ko na sinabi sa kanila at napahinto pa muna ako ng mahugot ako ng malalalim na hininga.

Napalunok pa ako bago muli nakapagsalita at magpatuloy. Isang malalim pang paghugot ng hininga at sinabi ko. “Tumawag sa akin si Bianca ng hindi ko inaasahan nitong nakaraan subalit di siya nagsasalita. Maliban sa naririnig ko ang pagtatalo nila ng kanyang asawa. Narinig ko lahat mula sa pagsigaw at pagsasalita ng masama sa kanya at ang pananakit nito lahat nasaksihan ko at naririnig ko buhat sa pakikinig ko ng tawagan niya ako." Humugot pa muli ako ng hininga ng mapahinto ulit ako sa pagsasalita.

“Naririnig ko ang iyak ni Bianca habang nagmamakaawa sa asawa niya na huwag na siyang saktan at hindi naman tumigil ang asawa niya mas lalo lang siyang sinaktan nito at narinig ko ang malalakas na lagabog buhat sa kabilang linya. Pinagmumura si Bianca ng asawa niya. Kaya't nag-alala rin ako sa kanya. Kaya ng makarecieved ako ng text messages buhat sa kanya tinawagan ko siya upang itanong kung okay lang ba siya. At dinaanan ko pa siya sa bahay niya para to make sure na okay nga lang siya ng dahil umalis naman ang asawa nito matapos siyang iwanan ng matapos siyang saktan." Huminga pa muli ako habang nagpapaliwanag pa rin.

“Pinayuhan ko na si Bianca na iwanan na niya ang mapanakit niyang asawa. Pero sagot niya nahihirapan siya ng dahil sa mga anak niya. Subalit wala naman naitutulong rin naman ang asawa niya at siya lang talaga ang bumubuhay sa mga anak nila. Nagagawa lang ng asawa ay magselos at saktan siya. Tulad nalang ng nangyari sa kanya. Hindi ko expect na aabot sa ganito na ang pananakit ng lalakeng yon sa kanya." Anito ko sa pagkahaba na pagkukwento at paliwanag ko rin sa ilang bagay na alam ko sa mga nangyayari kay Bianca.

“Sayo pala siya naglalabas ng kanyang problema sa kanyang asawa. Bali talaga pa lang sinasaktan siya ng asawa niya at may katotohanan na posibleng asawa nga nito ang siyang nakita ng ilang residente sa lugar nila na nakasaksi sa pambubugbog kay Bianca." Aniya ng isang pulis na napasinghap na rin sa pag-iisip at pag-aaral sa sitwasyon ng kaso patungkol sa nangyari kay Bianca.