CHAPTER TWENTY FIVE- LOST IN THE WILD
“Baka abutin tayo ng halos tatlong oras papunta kina Mang Toteng ha? Medyo malayo kasi ‘yung lugar at hindi pa sementado ang daan,” wika sa kanila ni Mikay habang sakay sila ng pick up. Ito ang nagsilbing driver nila dahil ito ang nakakaalam ng daan papunta roon. Silang dalawa naman ni Yheven ay walang imikan. Nakaupo ito sa tabi ni Mikay at siya naman ay nasa back seat. Nagkukunwari siyang natutulog habang may suot na sunglass. Mabuti na lang at may nadala siyang sunglasses dahil kung wala ay siguradong kitang-kita ang isang sako niyang eyebag dahil ka iiyak. Hindi na nga niya namalayan na dahil sa sobrang pag-iyak kagabi ay nakatulog na pala siya sa buhangin. Ni hindi man lang siya nito binuhat at dinala sa loob ng tent. Ang sarap ng tulog nito sama
