CHAPTER TWENTY SIX- WHO IS WILLA ANDRES?
“Anong nangyari sa iyo?” nanlalaki ang mga matang tanong sa kanya ni Nat nang makauwi na siya. Hapon na siya nakarating sa bahay dahil tanghali na rin sila umalis doon kina Mang Toteng. Kahit kasi ganoon ang nangyari ay tumuloy pa rin sila kina Mang Toteng dahil sayang naman kung uuwi sila dahil lang sa nangyari sa kanya. Nahimasmasan naman kasi siya matapos ang ilang minuto ang nakaraan. ‘Yun nga lang, halos wala siyang mukhang maipinta kay Yheven dahil sa hiya lalo na ng nakita niya ang lukot at basa nitong polo. Dumating din naman kaagad sina Mang Toteng dala ang isang mekaniko at isang gulong kaya hindi na sila nagtagal sa lugar na iyon. Nagulat pa nga ang mga tao na naglalaro sa patay sa itsura niya na parang dinamba ng isang leon. May nagtan
