"BOSS, ano ba?" malakas na sigaw ni Sky Jewel pagkatapos siyang buhatin patiwarik na naman nito. Nahihilo siya at idagdag pa na naiilang siya dahil ang malakas nitong braso ay nakaipit sa puwitan niya.
Pero bingi-bingihan na naman ito at tuloy-tuloy lang na naglalakad sa hallway.
"Boss, put me down!" mariin na utos niya rito. Nagpupumiglas siya at pinagsusuntok niya ang likod nito pero wala iyong epekto dito.
Sabagay, sa tigas ng katawan nito na parang matibay na pader, ano ba ang magagawa ng mga suntok niya? Puwera na lang kung...
Natigilan si Sky Jewel nang makita niya ang poging tauhan nito na Canadian na pasalubong sa kanila. Agad siyang sumigaw.
"Hey, help me! Help!" paulit-ulit niyang tawag dito. Pero tumingin lang ito sa kaniya at kung hindi siya nagkakamali ng nakita, ngumi
