NAANINAG ni Sky Jewel na naglakad si Boss papunta sa dulo ng walk-in closet at may kung anong tiningnan. Iyon ang nakita niyang pagkakataon para tumakas.
Kumaripas siya ng takbo na suot-suot ang T-shirt nitong hindi man lang lumagpas sa tuhod niya. Hinayon niya agad ang pinto palabas sa kuwarto nito. Umaasa siya na kagaya kanina ay hindi na naman iyon naka-lock.
Pero gayon na lang ang panlulumo niya nang malaman niyang nagkamali siya ng akala. Napatili pa siya nang bigla na namang mamamatay ang ilaw na nasa gitna at iyong nasa malapit sa banyo na naman ang bumukas.
At nang lumingon siya ay nakita niya ang bulto ng katawan ni Boss na nakatayo malapit sa kama. Nagtatago na naman sa dilim.
May lahing bampira ba ang isang ito kaya takot na takot sa liwanag? O baka naman hindi masikmura an
