One week later...
NAPABALIKWAS ng bangon si Sky Jewel nang maramdaman niyang may bumukas ng pinto. Mabilis niyang sinalubong ang papalapit na mga yabag sa pag-aakalang si Boss iyon. Ngunit nanlumo siya nang makita si Spooky na may dala na namang pagkain niya.
Hindi na sana niya susubukan pa na kausapin ito. Dahil sigurado naman na hindi rin nito siya kikibuin. Katulad ng lahat ng tao sa islang iyon.
At iyon ay dahil sa malaking kasalanan niya.
Isang linggo na ang dumaan nang takasan niya noon sina Spooky sa mansiyon ni Boss sa Mexico. Tumakas siya para sundan ang grupo nito na noon ay nakikipaglaban sa grupong Mad Bodies.
Magkakaroon pala sana ng maayos na pag-uusap ang dalawang grupo. Pero dahil sa pangingialam ni Sky Jewel kaya biglang nagkagulo nang mahuli siya ng leader ng Mad
