"Gising na, Lorna! Ipinagluto ka ni Clark ng pritong itlog, nuggets at hotdog! Puro prito dahil hindi pala marunong magluto ang lalaking ito!" bungad ni Geraldine kinaumagahan.
Natatawang bumangon si Lorna sa kaniyang pinaghihigaan bago siya lumapit sa dalawa. Kakamot - kamot sa ulo si Clark na naghanda ng kanilang pagkain.
"Huwag kang mag- alala, Lorna... mag- aaral ako kung paano magluto para palagi kitang ipagluluto ng gusto mong pagkain. Sorry kung wala akong alam sa pagluluto. May nagluluto kasi sa bahay. Pero aaralin ko ito. Promise..."
Simpleng ngiti lang ang sinagot ni Lorna. Na- touch naman siya sa sinabing iyon ni Clark. Na willing talagang pag- aralan ang pagluluto para sa kaniya.
Naupo na si Lorna doon at sabay - sabay silang kumaing tatlo. Ang saya - saya nilang kumakain.
