(We are blessed to be a blessing to others)
AYVA’S POV
NAKAKAINS talaga! Bwisit na Calix ito! Nagawang mapapayag si Papa na isama ako sa kanila. Hindi ko tuloy natapos ang pagluluto ko na para sana kay Papa. Sa sobrang talino ng lalaking iyon ay isinama na rin si Papa para wala na akong ibang dahilan. Talaga nga naman.
Padabog kong isinara ang pinto ng sasakyan. Wala akong pakialam kong magalit ang panget na katabi ko! Oo, panget si Calix. Panget ang ugali! Walang respeto na Mama’s boy!
Nilingon ako ni Papa mula sa front seat. Tumungo na lang ako dahil siguradong mapapagalitan ako kapag sinalubong ako ang tingin ni Papa.
Isiniksik ko ang katawan ko sa gilid ng bintana. Ayaw kong madikit kahit ang suot kong damit sa aroganteng lalaki na katabi ko! Mabuti pa kay Raine, ang bait ng loko
