(It’s never too late to make things right)
NAGING palaisipan sa akin ang pabagu-bagong mood ni Calix. Hindi ko alam kung maiinis ako o matatawa sa inaakto nito. Para namang magkakagusto sa isang tulad ko ang lalaking iyon. Kaya naman hanggang sa makababa ako ng sasakyan ay iyon pa rin ang iniisip ko. Hindi na rin bumaba si Calix. Hindi man lang nagpaalam ng maayos. Tinotopak pa rin yata.
“Ayva!” tawag ni Rachel na waiting shed. “Ano ang nangyari?”
“Anong klaseng tanong iyan?”
“Hindi ba kasama mo si Calix?” tanong na naman nito.
“Oo.”
“Ano ang sabi sa iyo? Hindi ka man lang inihatid sa bahay ninyo.”
“Tinanong kung sino raw ang naging kahalikan ko.”
“Ano naman ang sagot mo?”
“Sinabi ko ang totoo. Kailangan ko bang ilihim iyon? Isa pa, aksidente lang naman ang lahat.” Nagsimula na ak
