(Life is really simple, but we insist on making it complicated) AYVA’S POV “AYVA, ano ang nangyari kay Rocco?” tanong ni Rachel. Hawak nito ang dalawang bottled juice nang datnan kami ni Rocco. “Si Rocco talaga ang una mong napansin? May iba kaya siyang kasama,” mahina kong tugon kay Rachel. “Bakit parang hindi mapakali ‘yung tao? Tingnan mo?” Sinundan ko ng tingin ang kamay nitong nakaturo sa direksyon ng lalaki.Kinakausap ito ni Troy. “Alam mo, guni-guni mo lang iyon. Huwag ka mag-isip ng kung anu-ano.” “Baka nga guni-guni ko lang.” “Talagang pagdating kay Rocco ang dami mong napapansin,” ani ko. “Gusto mo ilakad kita?” “Ikaw talaga Ayva, para kang ano,” anito. “Parang ano?” “Wala.” “Asus. Huwag ka ng mahiyang magtanong.” “Wala nga.” “Sa fitting na tayo?” “Akala ko ba tutul