(A kiss blown is a kiss wasted, the only real kiss is a kiss tasted)
AYVA’S POV
“AYVA, ang aga mo ah!” bungad na bati sa akin ni Rachel. Nakahanda na rin ito sa pagpasok.
“Kunwari ka pa, balak mo na naman akong takasan no?”
“Anong takasan ang pinagsasabi mo riyan? Kailan ko iyon ginawa sa iyo?”
“Kagabi.”
“Masisisi mo ba ako eh parang chaperon mo lang ako kagabi.”
“Ewan ko sa iyo.”
“Kumusta? May nangyari ba? I mean ano ang nangyari?” sunud-sunod na tanong ni Rachel.
“Ito ang talagang nangyari,” ani ko kasunod ng pagtampal ko sa noo ng mabait kong kaibigan.
“Aray!”
“Ngayon, alam mo na?”
“Ito naman. Tinatanong ka lang ng maayos eh,” anito na nakatulis ang nguso.
“Sinasagot naman kita ng maayos,” tugon ko.
“Papasok na ba tayo?”
“Ako papasok na. Hindi ko lang alam sa iyo,” ani
