"Alam mo, Manika. Nagtataka ako sa iyo kung bakit ang kapal mo lagi maglagay ng makeup. Ang ganda-ganda mo naman kapag hindi mo nilalagyan ng colorete 'yang mukha mo."
Napatingin ako kay Mrs. Reyes na busy sa pagta-type sa kanyang computer. Narito ako sa office niya at tumatambay dahil naghihintay ako ng mga trabaho na ipapasa sa opisina ni Sir Nicholo.
Maaga kasi akong natapos dahil wala masyadong iniwan na trabaho ang boss namin sa akin. Bored naman ako kung tatambay lang ako sa loob ng kanyang opisina at tutunga na lang sa apat ng sulok na dingding doon.
Ang boring pala kapag wala siya. Walang kalatuy-latoy magtrabaho lalo na at walang nag-uutos sa akin na magtimpla ng kape. Bumili ng pagkain niya sa canteen at trabahuin ang sandamakmak na paper works na tinatambak niya sa ibabaw ng
