❀⊱Sandy's POV⊰❀
"Wala akong ibibigay sa'yong bakasyon Miss. Alano. Kung inaakala mo na makakapag-lakwatsa ka habang kami ay nagpapakahirap dito ay nagkakamali ka. Maraming trabaho at kailangan ka namin dito, pero kung ayaw mo ng magtrabaho dito ay sabihin mo lang dahil maraming nakahilera na gustong mag-apply." Wika ng amo ko.
Nandito ako sa loob ng opisina niya. Tapos na ang trabaho ko kaya kinatok ko siya dito sa loob. Gusto ko kasing dito na lang sa office niya magpaalam para sigaw-sigawan man niya ako ay kami lang dalawa ang makakarinig.
"Grumaduate lang po kasi ang kapatid ko na may high honors kaya nasabi ko sa kanila na bilang regalo ko sa kanila ay dadalhin ko sila sa isang resort sa Bataan. Ma'am kahit po sana tatlong araw lang, para lang po maipasyal ko ang pamilya ko. Sige n
