❀⊱Sandy's POV⊰❀
Nakabalik na kami ng Manila isang linggo na ang nakakaraan. Buti na lang talaga at hindi ako nilagnat, pero slight fever lang ang dumapo sa akin kaya ang hinala ng mga magulang ko ay napagod lang ako ng araw na 'yon. Ilang beses akong kinukulit ng mga kaibigan ko tungkol sa kung ano daw ba ang nangyari sa amin ni Jun sa private island, pero hindi ako umaamin kahit na ano pa ang pangungulit nilang gawin sa akin.
Pero ngayon ay nandito kami sa isang fast food restaurant at hindi nila ako tinigilan ng pangungulit tungkol sa nangyari sa amin ni Jun. Hindi sila naniniwala na walang namagitan sa amin ng nobyo ko sa private island ng pinsan ni Marcus. Wala na akong nagawa kung hindi ang aminin sa kanila kung ano ang katotohanan dahil hindi naman talaga nila ako tinitigilan. Mak
