┈┈┈┈◦•✩•◦┈┈┈┈
"Bakit ka tumatakbo? Ano'ng nangyayari?" gulat na tanong ni Evelyn nang makita niyang humahangos na bumababa ng hagdanan si Sandy. "I think nakita ko si Jun," mabilis na sagot ni Sandy, kaya maging ang kanyang mga magulang ay nagulat sa sinabi ng kanilang anak.
"Si Jun? Aba, ano naman ang gagawin ng batang 'yon dito? Alam ba niya na pupunta tayo ng resort at dito pa?" tanong ng ama ni Sandy. Umiling si Sandy, sigurado siyang hindi naman siya tinanong ni Jun tungkol dito. Isa pa, wala naman siyang binanggit kay Jun na tutungo sila sa Bataan.
"Baka naman namamalikmata ka lang, Sandy. Iyan kasi ang sinasabi ko sa'yo, ayaw mo pa kasing sagutin kaya tuloy pati ibang tao tingin mo ay si Jun na," wika ni Jovina na may halong panunukso. Pero hindi na sila pinansin ni Sandy at nagm
