Sandy's POV
Nagising ako na sikat na sikat na ang araw, at ang liwanag nito ay dumadampi na sa aking mukha na nanggagaling sa sliding door ng balkonahe. Hindi ko pala naisara ang kurtina sa sliding door na patungong balkonahe kaya medyo masakit ang dampi nito sa mukha.
Nagtungo ako ng banyo upang saglit na maligo, pero hindi ko naman binasa ang buhok ko. Pagkatapos ay lumabas ako ng aking silid at bumaba ako ng hagdanan. Naririnig ko pa ang halakhakan nila, ang tawa ng aking ama ang nagpapangiti sa akin.
Lahat sila ay napalingon ng marinig nila ang mga yabag ko na bumababa ng hagdanan. "Hi mahal," bati sa akin ni Jun at nagmamadali niya akong sinalubong. Napatingin ako sa mga kasama ni Jun, lalong-lalo na kay Alaric, at natatawa pa rin ako sa sarili ko sa tuwing naaalala ko na bigla k
