┈┈┈┈◦•✩•◦┈┈┈┈
Ilang araw din namalagi sila Sandy sa Japan bago napagpasyahang bumalik na ng Pilipinas. Pabalik na nga sila ngayon ng Pilipinas at naghihintay na sa kanila ang pribadong eroplano na pag-aari ng mga Easton. Pero nandirito pa rin sila sa hotel at nag-eempake.
"Hindi na ako makakasabay sa inyo, naghihintay na sa akin ang private jet ni kuya dahil kailangan ko ng bumalik ng England. Sa isang araw pa ang uwi ko ng Pilipinas kaya magkita-kita na lang tayo. Tatawagan ko agad kayo kapag nakabalik na ako ng Pinas. Sandy, 'yung request ko ha, inaantay 'yon ni Ate Joyce. Lahat ng kaibigan ni ate ay iyon lang ang request. Huwag mo sanang kalilimutan, alam ko na lagi kang busy, pero sana ay magawan mo 'yon ng paraan," wika ni Celestina kaya natawa si Sandy at tumango. "Sabihin mo sa ka
