┈┈┈┈◦•✩•◦┈┈┈┈
Tahimik lang si Jun na nagtatrabaho ng bigla na lamang siyang ginulat ng pagpasok ng kanyang mga magulang. Pero saglit lamang ito at pagkatapos ay ibinalik niya ang kanyang mga tingin sa harapan ng computer at ni hindi man lamang niya ito binati.
"Juancho anak, bakit hindi mo yata laging kasama ang mag-ina mo? Lagi ka na lang busy sa trabaho, o kaya lagi ka na lang pupunta sa ibang bansa ng walang pasabi at pati ang mag-ina mo ay bigla mo nalamang iiwanan. Ano ba ang nangyayari sa'yo? Wala ka ba talagang pakialam sa kanila?" ani ng ina ni Jun na kararating lamang nila mula sa America at agad na pinuntahan ito sa opisina nito.
"Please, mom, ginawa ko na ang gusto ninyo, hindi ba? Pinakasalan ko si Morgana para lang matigil na kayo sa mga panggugulo ninyo sa buhay ko. Iniwan
