Amiel Harold's P. O. V.
Nakatitig lang ako sa cellphone ko, paulit-ulit kong binabasa ang text message ni Nerrisa.
"Pumunta ka sa faculty mamayang uwian kapag wala nang teachers ha," pagbasa ko.
Napahawak ako sa ulo ko at pilit na iniisip kung pupunta ba ako o hindi. Ang hirap sa sitwasyon ko, hindi ko alam kung sasabihin na ba niyang tama na dahil nagkabalikan na sila ng ex niya. Baka ganoon ang mangyare, may nagtutulak sa akin na huwag na pumunta.
"Sir!" napalingon ako sa pinto ng classroom nang marinig ang boses ni Kai.
Uwian na at umalis na ang mga estudyante. Narito ako sa room ng hinahawakan kong class. Hindi ako makalabas, hindi ko alam kung sisiputin ko si Nerrisa dahil pakiramdam ko katapusan ko na.
"May problema na naman ba?" tanong ni Kai.
Nang lumapit siya sa akin ay ag
