PAGLALAMBING NI CATHY
CHAPTER 50
DRAKE's POV:
MAINIT pa rin ang ulo ko hanggang ngayon. Hindi pa rin maibsan ang selos na siyang umaapaw sa damdamin ko kahit na umalis na si Richard sa bahay nila Cathy.
Inis tuloy akong bumalik sa bukid para ilabas ang aking galit sa pamamagitan ng pag-aararo gamit ang kalabaw. Sa ganitong paraan ay mabawasan man lamang ang galit ko sa lalaking 'yon.
Nagawa pa nga akong tawagin ni Cathy, pero hindi ko muna siya kinausap dahil talagang nasaktan ako nang maabutan ko silang magkayakapan. Kaya nais ko ring magpalamig muna para sa gano'n ay hindi ako makapagbitaw ng masakit na salita.
Pero totoong galit ako kay Richard. Masyado kasi siyang nakaka-lalaki. Naturingan siyang doktor, pero hindi niya alam ang salitang respeto sa relasyon ng iba.
Gusto niya
