CHAPTER 49
DOC. AIDEN's POV:
"UMALIS ka na muna Richard, pakiusap..." mahinang ani ng dalaga. Nangungusap at may pagmamakaawa ang kanyang mga tingin sa akin na tila gusto niya na akong paalisin sa kanilang pamamahay.
Matapos kong malaman ang tungkol sa kanila ni Architect Drake ay aaminin kong nasaktan ang damdamin ko. Parang dinurog ito nang purong-puro dahil hindi ko aakalain na yung boss mismo ng babae ang magiging nobyo niya.
Mas katanggap-tanggap ko sana kung ibang tao ito, pero siya si Mr. Drake Alejandro na kilalang certified playboy na kung sino-sino na lang na babae ang kanyang pinapatulan para lang masabi na matinik siyang lalaki.
May alam ako tungkol sa kanya dahil bago ako makipagkontrata sa binata ay inalam ko ang kanyang pagkatao. Hindi ko rin naman ikakaila na magaling
