Hindi sya nagpaalam sa akin at hindi man lang talaga tumingin. Pagkapaalam sa matatanda ay umalis na ang lalaki. Iniiwasan nya ba ako, ayaw makita o susulitin pa ang pagkabinata bago matali sa akin? Umasta akong wala lang ang pag-alis na iyon ni Rome. Masarap ang pagkain kaya inenjoy ko lang ang madami pang nakahain sa harap ko. Buti hindi naubos ng lalaking iyon.
Pagkaramdam ko ng kabusugan ay gusto ko na ring umalis dahil sila sila lang naman ang nag-uusap usap. Naiinip na ako at gusto nang tumayo. Nagpaalam akong mag ccr muna para naman makapaglakad lakad at kanina pa kami nakaupo.
I texted Cathy para ikuwento ang nangyari. Wala naman akong ibang masasabihan kundi sya. Nadismaya rin ako sa inasta ni Rome kanina. Masyadong halatang walang pagpapahalaga sa akin. Ano pa bang aasahan ko?
