Mhina
Hanggang sa nakapasok na kami sa loob ng Mall ay tulala pa rin ako. Hindi mawala-wala sa isipan ko 'yong masamang panaginip ko.
Mabuti na lang din at hindi 'yon totoo. Kundi, baka nasa hospital na kami ngayon.
"Ang sabi ko, isukat mo 'to. Ano bang itinutulala-tulala mo d'yan?"
Napalingon akong bigla kay Daemon nang bigla siyang lumapit sa akin at ipinatong sa lap ko ang isang pares ng stiletto. Kasalukuyan ako ngayong nakaupo sa isang mahabang silyang naririto sa gitna ng isang ladies shoes boutique.
Nagtataka naman ako sa lalaking ito kung bakit dito niya ako dinala. Akala ko ba ay maggo-grocery lang kami?
"Move. May pupuntahan pa tayo," mahina ngunit mariin niyang utos sa akin. Mukhang iniiwasan din naman niyang marinig siya ng mga sales lady na naririto.
"May event ba uli
