MONIQUE WAS SEATED BESIDE RICK – hindi man siya payag sa seating arrangement ay wala nang nagawa si Rick, and it would be gentlemanly as well – dahil tanging nag-iisang babae sa team nila si Monique. Kaya’t hindi tama na itabi ito sa mga lalaki na kasamahan nila sa likod. Kasama nila ang foreman nila at iilan pang tauhan sa likod.
Tanging dalawa lang silang Pinoy, ang iba ay Indyano at Pakistan, kaya’t sa byahe ay sila halos ang magka-usap ni Monique. Magaan kausap si Monique at matalino ito, at sa linya ng propesyon na pinili nito, maaasahan mo talaga na hindi ito maarte at cowboy itong makisama.
Ilang beses na silang napamangha ni Monique dahil sa trabaho nito at professionalism.
Sa pagkukuwento nito ay makikilala mong galing din ito sa may ibubugang pamilya.
