PANAY ang tungga ni Mia sa wine na dala nito habang nagpapahangin sa balcony ng silid na tinutuluyan nilang mag-ina. Gusto ni Dale na makatabi si Drake sa pagtulog. Pero ayaw naman nitong maihiwalay kay Mia sa pagtulog kaya sa huli, silang mag-ina ang magkatabi sa kama.
Minsan ay naiisip na lang niyang bumalik na sila ni Dale sa Japan. Pakiramdam niya kasi ay hindi na siya kabilang sa mundong ginagalawan ni Drake. Sa nangyayari sa kanilang dalawa ay parang palabo nang palabo ang lahat sa kanila.
Napahinga ito ng malalim na inubos ang natitirang wine sa bote bago nagpasyang bumalik na ng silid nilang mag-ina. Maingat itong sumampa ng kama na tumabi sa anak nitong nahihimbing. Kung hindi lang niya iniisip si Dale ay noon pa sila bumalik ng Japan lalo na't pinapakita naman ni Drake na hin
