Zhujhen Cail
Tulala pa rin ako habang nasa biyahe. Umaga na nang kami ay makaalis sa beach resort. Masyadong maraming nangyari kagabi at parang hindi na ma-absorb ng utak ko ang lahat.
Minabuti nilang sa kotse na ako sumakay dahil siguro sa pag-aalala nila sa akin. Ayoko naman sana mangyari 'yon ngunit hindi ko napigilan ang sarili ko. Hindi ko alam kung sino ang may dala ngayon ng motorsiklo ko.
Nagtataka pa rin ako kung paano ako nailigtas ni Erhwin sa muntik ng pagkalunod gayong nakita ko naman silang umalis na ni Alyz.
Ang pagtataka ko kay Nick kung bakit ganon katindi ang naging takot niya. Halos mawalan siya ng ulirat. Putlang putla. Hindi rin siya makausap hanggang sa ngayon.
Si Gavi ay ilang beses humingi ng tawad sa akin kanina ngunit hindi ko pa rin siya magawang kausapin. B
