Zhujhen Cail
"Maaari niyo po bang isalaysay ang buong pangyayari?" tanong ng Mamang Pulis kay Charlie na hanggang ngayon ay hindi pa rin binibitawan si Lhevy.
Narito kami ngayon sa presinto nitong bayan. Ang beach resort naman ay malapit lang din dito sa bayan.
Nakayakap pa rin siya sa babae. May mga tilamsik siya ng dugo sa kanyang puting sando at beach short. Gano'n din sa mga braso at iba pang parte ng kanyang katawan.
Mukhang napuruhan niya ang tricycle driver na kaagad isinugod sa hospital kanina. Matindi ang naging pinsala nito sa kamay ni Charlie.
Kasalukuyan kaming nag-uusap ni Nick kanina sa may batuhan sa beach nang marinig namin ang malalakas na sigawan sa cottage kaya kaagad kaming napasugod doon.
Nalaman namin na may nangyaring insidente kay Lhevy at Charlie. Tumawag si
