HANGGANG sa makarating na sila sa hospital at agad silang dumiretso sa kuwarto ng kaniyang ina.
"Mano po, Nay, Tay." Pagbigay galang niya sa magulang.
"Mano po Nay, Tay..." boses naman ni Tisoy na parang ginagaya lang si Dille.
"Kaawaan kayo ng Diyos," turan ng kaniyang ina sa mahinang boses.
"Kumusta na po ang pakiramdam mo, Nay?" tanong ni Dille na may kasamang tipid na ngiti.
"Ito anak, medyo masakit ang aking likod." Nakaramdam naman ng lungkot si Dille.
"Ah! Nay, Tay. Kumain muna kayo. Si Tisoy ang nagluto niyan." Pag-iiba niya, para mabaling ang kaniyang atensiyon.
Sapagkat hindi niya kayang harapin ang ina sa ganoong sitwasyon. Pakiramdam niya ay dinudurog ang kaniyang puso.
"Salamat, Tisoy," wika ng kaniyang Tatay na inakbayan pa ang bata.
"Wala po iyon, Tay. Alam naman n
