ZOEY
Habang nasa byahe ako ay iniisip ko naman ang mukha ni Rey. Parang matagal ko na siyang kilala. At parang pamilyar sa akin ang kaniyang guwapong mukha. Hindi ko lang matandaan kung saan, ngunit ang lubos kong iniisip ay ang sinabi niya na nakita nito si Raydin na may kasamang iba at may kahalikan pa. Naiinis ako sa aking sarili dahil nasasaktan ako. Kung nagkabalikan sila ng girlfriend niya paano na lang ako? Ayaw niya rin makipag-divorce sa akin. Pinunasan ko ang mga luhang dumaloy sa aking mga mata.
"Ayos ka lang ba, Iha?" tanong sa akin ng Mamang Driver.
"Opo, Manong," sagot ko na tumango-tango.
Makalipas ang dalawang oras ay nakarating ako sa San Luis sa bahay namin ni Tita. Pagbaba ko sa taxi ay agad akong nagtungo sa bahay namin. Nang makita niya ako ay bahagya pa siyang nag
