Chapter 11
Areana
Tahimik ang lugar at tanging hampas lang ng alon ang naririnig ko. 'Yong tipong akala mo ikaw lang nag-iisa sa lugar na ito? Nakatayo ako sa tabi ng dagat at nilalasap ang masarap na simoy ng hangin na dumadampi sa aking katawan. Pero hindi ko mawari ang aking nararamdaman. Parang nalulungkot ako at parang laging may kulang. Hindi ko namamalayan na umiiyak na pala ako.
Bakit laging ganito ang nararamdaman ko? Bakit pakiramdam ko may kulang sa buhay ko? Pakiramdam ko nawawala ang kalahati ng puso ko. Gustong-gusto ko na sana mag-asawa pero ayaw ni Daddy. Gusto ko rin sana magkaroon ng masayang pamilya, 'yong magkaroon ako ng anak para sa pagtanda ko may makakasama rin ako sa buhay. Pero naiinis ako kay Daddy dahil lahat ng mga manliligaw ko sa New York ay tinatakot ni
